عيــــونك

عيونك زي النور الشمس
فوق الخلق بتنور
وزي الحضن بتدفي
و زي النصل بتعور
وزي الدمعه في الموال
وزي التوهه في الترحال
وزي الموج بتتغير

..
عيونك زي ليل العشق
لا بيرتاح ولا يريّح
ولا عمري في يوم طايل
ولا عمر البعاد أريح
وانا مسجون على رمشك
ولا عمري في يوم بشكي
ولا عن سيرتي بتدوّر

..

عيونك زي صوت فيروز
بتدخل قلبي طوالي
توشوشله كلام قصده
يقول اعشقني على حالي
وانا عاشقك على حالك
ومتشكاش من أحوالي
ولا استكرت ترحالي
ولا استطولت موالي
ولا ابطل في يوم اسهر
..

علاء عارفين